موضوع خاص لكل من تاخذ حبوب منع حمل اللي تحتوي على الاستروجين والبروجسترون.
الحبوب فيها ٢١ حبه تاخذينها (بنفس الوقت يوميا) واخر ٧ ايام تكون راحه قبل العلبه اللي تاخذينها وراها فورا.
فيه كذا سيناريو ممكن يصير :
اولا اذا نسيتي (حبه وحده فقط) خلال اي يوم من الشهر تقدرين تاخذينها بوقت تذكرها بنفس اليوم وتكملين باقي الحبوب يوميا كالمعتاد وبوقتها بدون اي وسائل واقيه اخرى
اما اذا نسيتي حبتين او اكثر تاخذين اخر حبه تم نسيانها بوقت تذكرها وناخذ بالاعتبار النقاط التاليه:
١- اذا نسيتي حبتين خلال الايام ١ – ٧ (الاسبوع الاول من العلبه) يفضل اخذ حبة منع الحمل الطارئه (norlevo) خاصة اذا كان فيه جماع بدون استخدام وسائل واقيه ثانيه بالاسبوع الاول من العلبه
٢- اذا نسيتي حبتين خلال الايام ٨ – ١٤( الاسبوع الثاني من العلبه) تاخذين اخر حبه تم نسيانها بدون اي احتياطات ثانيه ونكمل باقي العلبه كالمعتاد وبوقتها
٣- واذا نسيتي حبتين خلال الايام ١٥ – ٢١(الاسبوع الثالث من العلبه) تاخذين اخر حبه تم نسيانها ونبتدي فورا بالعلبه الجديده بعد انتهاء ال ٢١ يوم بدون فترة ال ٧ ايام الراحه اللي موجوده بنهاية العلبه الاولى
د.عبدالكريم المعيصب